Генерал-лейтенант Ж. Кереевтің ескеркіш-мүсіні

Ақтөбе қаласы, теміржол вокзалы ғимаратына қарама-қарсы Ж. Кереев көшесіндегі гүлзарда орналасқан.

Жансен Кереев 1930 жылы Ақтөбе облысы, Темір ауданында, Бабатай ауылында дүниеге келген. Балалық шағы соғыс кезіне тап болғандықтан, мектепті тастап, пошта қызметкері болып  орналасты. Ол жұмыстың қиыны сол, суық хабарды тарататын болды. Соғыс аяқталған соң ол оқуын Ақтөбе қаласындағы №6 мектеп-интернатында жалғастырып, 20 жасында мектепті аяқтап шығады. Әскери борышын Курил аралдарында өтейді. 1951-1953 жылдары командирлеринің  ұсынысы бойынша Благовещенск қаласындағы жаяу әскер училищесінде оқиды. 1953-1956  жылдары Чита түбінде әскери қызметін өтеді. 1956-1962 жылдары қызметі бойынша Герман демократиялық республикасындағы советтік топта болды. 1962 жылы М. В. Фрунзе атындағы әскери академияға түсіп, 1965 жылы үздік бітіреді. Оның есімі Академия жарына жазылған. Ол  бұл тізімге еңген жалғыз қазақ болатын. Және алғаш осы оқу орнын бітірген қазақ болатын. Одан соң Ленинград әскери округына жолдама алып, 1971 жылға дейін сонда әскери қызмет атқарды. 1971 жылы Генеральный штабтағы әскери академияға түсіп, 1973 жылы полковник атағымен бітіріп шықты. 27-ші гвардиялық мото-атқыштар орденіне командир етіп жіберілді. 1979-1982 жылдары штаб басшысы және Еділ бойы әскери округінің әскери мүшесі болды. 1982 жылы Вьетнам халықтық армиясына жоғарғы кеңесші қызметіне тағайындалады. 1983 жылы СССр-ға кайтып келісімен науқастанып, Мәскеудегі Бурденко атындағы госпитальде қайтыс болады. Д. Қонаевтің араласуымен Алматыда жерленеді. 1983 жылы қаза тапқаннан кейін  Вьетнам Социалистік Республикасының Отан соғысының жоғары әскери орденімен марапатталады. Ескерткіш мүсіннен, тұғырдан және стилобаттан тұрады. Стилобат төртбұрышты, ұзындығы 160 см, ені 148 см. шағын гранитті блоктардан тұрады. Ортасында биіктігі 390 см тұғыр бар. Мүсінде қара гранитпен генерал лейтенант Ж. Кереев әскери киімде бейнеленген. Ескерткіштің жалпы биіктігі 500 см. Авторлар: мүсінші Б. Абишев, сәулетші Б. Егимбаев.