Ескерткіштің түрі: Монументтік өнер құрылысы
Ескерткіштің мерзімі: 1976 жыл.
Орналасқан жері: Ақтөбе қаласы, Әбілқайыр хан даңғылы.
Тарихи мәлімет: Виктор Пацаев – Ақтөбелік ғарышкер, Кеңес Одағының Батыры. 1933 жылы 19 маусым күні Ақтөбе қаласында дүниеге келген.
В.Пацаев – 1971 жылы 6 маусымда «Союз-11» ғарыш кораблімен сынаушы ретінде Г.Т.Добровольский және В.Н.Волковтармен бірге ғарышқа ұшты.
Ескерткіштің сипаттамасы: Ескерткіш мүсін трапеция тәрізді сатылы стилобадтан тұратын архитектуралық мүсін. Ортасында биіктігі 4 м. болатын қызыл қашалған граниттен тұрғызылған бес бұрышты стелла бар. Ол стеллаға ескерткішті аспанға ұмтылған етіп көрсететін екі метрлік Батырдың бейнесі орнатылған.
Тұғырда «Виктор Иванович Пацаев ұшқыш-космонавт, Кеңес Одағының Батыры» мәтіні жазылған.
Ескерткіш республикалық маңызы бар тарих және мәдениет ескерткіштерінің мемлекеттік тізіміне енгізілген.
Мүсінші: Ю.А.Тур, сәулетші: А.А.Заварзин.